Lulëzimi i shtëpisë nuk vjen vetëm nga buqetat, por edhe nga bimët e gjelbra, ato që rriten, shtrihen dhe të shoqërojnë për vite me radhë. Të mbash një bimë të gjelbër të shëndetshme nuk është aspak e vështirë, mjafton të kuptosh disa parime bazë. Më poshtë është një udhëzues i shkurtër dhe praktik për çdo njeri që dëshiron të krijojë një ambient më të gjallë dhe natyral në shtëpi.
Shumica e bimëve të gjelbra rriten më së miri në dritë të shpërndarë, pra jo direkt në diell.
Vendosini pranë dritareve, por jo aty ku rrezet e forta i godasin gjatë gjithë ditës.
Shenja që bima ka nevojë për më shumë dritë:
-
Gjethet zverdhen
-
Rritja ngadalësohet
-
Bima shtrihet drejt burimit të dritës
Gabimi më i zakonshëm është teprimi me ujë.
Udhëzimi i thjeshtë:
-
Uji vetëm kur shtresa e sipërme e tokës është tharë.
-
Përdor pak ujë, por ujite në mënyrë të thellë.
-
Shmang lënien e ujit në pjatë poshtë vazos.
Një bime e mbingopur me ujë zhvillon kërpudha, gjethe të zverdhura ose rrënjë të kalbura.
Bimët e gjelbra ndihen më së miri në temperaturat ku ndihemi mirë edhe ne:
-
18–25°C gjatë ditës
-
Larg korrenteve të ajrit dhe radiatoreve të nxehta
-
Lagështia mesatare është ideale, por disa bimë (si monstera, pothos, calathea) duan edhe pak më shumë lagështi.
Zgjidh dhe cilësor për bimë të brendshme. Pse është kaq e rëndësishme?
-
Ofron ushqim të balancuar
-
Lejon ajrosjen e rrënjëve
-
Shmang mbledhjen e ujit
Vazot PA vrima poshtë janë dekorative, por jo praktike për ujitje të rregullt. Bima ka nevojë për drenazh!
Pluhuri bllokon dritën. Pastrojini gjethet një herë në 2 javë:
-
Me një leckë të lagur
-
Shmang përdorimin e vajrave ose produkteve të tjera
-
Për pothos, ficus, monstera, pastrimi stimulon rritjen
Përdor plehra të lëngshëm të dedikuar për bimë të brendshme:
-
1 herë në muaj gjatë pranverës dhe verës
-
Ndalo përdorimin gjatë dimrit (periudha e pushimit)
Nëse je fillestar, i zënë me punë ose dëshiron diçka që kërkon mirëmbajtje minimale, ne mund të të sugjerojmë:
-
Pothos
-
Monstera
-
Zamioculcas (ZZ plant)
-
Snake Plant
-
Aspidistra
Këto bimë janë rezistente dhe përshtaten në çdo ambient.